Chatté Handmade 手作りの部屋

最近都真係忙到死,我幾乎一個禮拜...約莫一大半時間都無係公司...攰呀!

呢個月開始,我同朋友"舌"開始為佢的wedding進行初步的準備工作,係上星期日,我同朋友"舌"&伯母,一齊相討當日的準備,主要決定排位、進行的基本程序、衣衫化妝的準備、預算計畫、攝影畫像、場地配置、飾物花飾設計...作一個初步定案。

因為之前已經定好所有供應商,作個一翻解說預備,所以討論的時間不是太多,只係用咗3~4小時,不過其中有d時間都係閒話一翻,對朋友"舌"的思考無定向,作更深的指引同了解,相討完大致上已經定出初步排位、場地設計&顏色配置的初形,亦打咗個草稿,不過仲有一d外在因素考慮,可能會再作修改,而排位側有代客人名單再作配置,暫定籌備工作、佈置、花飾都會由我幫忙負責,MC則由"舌"另一位朋友負責,其他的亦大致打點好了,所以餘下的工作就有待更進一步的資料。

以下落來...當前最重要的係為朋友"舌"當天所穿的家傳裙掛作修補,因為有一定的時間歷史,,所以有一定的破損,要先修繕先可以穿著,裙掛全為手工製造,係之前仲要去配翻d珠片,因為經年所以有d難度,未必可以完全一致相同,所以我同朋友"舌"決定出去為婚禮所須shopping一翻,然後努力動工,希望我地的手藝無退步啦~!

到最後未有定落來的就只餘下花飾的設計,我希望等佢選定衣飾再進行,因為最重要係花球同禮服搭配,而且仲有時間,所以可以慢慢考慮。

真係多謝朋友"舌"比我同佢一齊籌備婚禮^~^