今時今日,認識我的人都會話我係「貓癡」。常來睇的朋友可能會想「好似從來無upload過你家養小貓的野上blog 喎!?」無錯....的確無.....! 因為


1.我之前部PC壊咗scan係PC的相都無晒...想比大家睇下都唔得。


2.一想起寶寶

(<--我家小貓的名),會另我想起許多的事


寶寶已經離開有7年了,我一想起佢依然有無盡的傷心眼淚,佢陪伴我走過10年多的歲月,對我來講佢扮演著重要的角色,係至親、係朋友、係玩伴.....仲之佢係我現有的人生中佔據了很大部份。


大約係的小學5年級的時候,我到一親戚家中過節,那時親戚剛好帶回兩隻出生約2星期大的小貓回家準備飼養,其中一隻較小的就係"寶寶",因為好小有接觸動物的機會,所以忍不住要去摸吓於滕籃中的佢,就此一摸就開始咗我兩的故事。


當時的"寶寶"因害怕且年幼,所以不太親近人,亦不肯被抱,那時佢卻肯被我抱牠,大家都話「佢肯比你抱喎!?」,那一刻我變得更愛懷中的小生命了, 有種我係"媽媽"的感覺,整晚抱住不放,不願他人抱牠,不過牠亦不肯,我的堂妹去抱佢,佢就抓過去,一邊卻猛抓住我的衣服不放,心想「離不開了!」


那天晚上堂妹想為佢取名,想了又想....當時的小腦袋想不出好名字來,卻想到佢的到來如同寶物一樣,希望佢被寶貝著,所以取名「寶寶」,最初2個妹妹都不太喜歡,可惜3個小腦袋亦想不到其他了,所以就此定下來,這樣就扣上咗我同"寶寶"之間的緣份。被取名的小貓尤如定下契約一樣,我亦一樣~被那一刻的相遇及認知,而打開咗生命中的新一頁。


因為這個偶遇,當晚我家中多了一位成員,


因為佢死抓著我不放,所以牠多了四位朋友同玩伴,


原本媽媽係唔比我養的,不過因為我的苦苦哀求(應該係!?呢part我反而唔記得!),最後~我得到勝利,帶住新成員返家,一養就10多年,不論搬家轉學,我都將佢放係身邊,同佢玩同佢講心事,打理佢的生活。


係佢離逝的前一年,我出國留學,我一直擔心著佢的舊病復發,家人照顧得唔好,又怕佢會離開我而去,過了一年回到香港,落機後知道佢已經走了,我當場哭起來...那些天我都在夜裡偷哭,哭了不知多少個晚上,心想要停下來了,聽說生者記掛著亡者,會令亡者不願離去,雖然我唔係迷信的人,但我亦希望"寶寶"可以好過,所以決定從那時起振作,將掛念轉移,就咁變成了貓癡,還真不容易呀!


變成貓癡之後,愛貓的程度提高了,不時帶住相機見貓就影,間中影下自然風景,成天比父母話我影太多,有朋友問我咁鍾意貓會考慮再養嗎?


~答案係唔會,除非我退休!~


點解!?~因為我唔想同以前一樣,不能全心全意的照顧佢,亦未有比最好的佢,覺得中間有許多對不起佢的地方,令我有不少的後悔,可惜現在太遲了,咁多年來我依然未完全走出"寶寶"離去的框框,傷心後悔仍在,令我卻步,假如我退休有充裕的時候去照顧一個生命,我會考慮下~~


分別打了兩天,眼前不時朦朧起來,鼻水直流>~<(因為感冒亦有點關係喇!) ,我始終未放低過去,寫到中途亦有點寫不下去,不想寫太多,不過我堅持寫了一部份,but眼白部份已全變紅了,所以休息了一晚再寫,我依有點發作(滴水),寫完之後想說句~


~請大家好好對待小動物,佢地都係一條生命,應好好對待~


以上^^

arrow
arrow
    全站熱搜

    Chatté 發表在 痞客邦 留言(0) 人氣()