Chatté Handmade 手作りの部屋

        恭喜Samantha & Ray 兩位新婚之喜! 當日的新娘子真係好靚，我係到就分享小小婚禮上的場面吧! <--雖然係kay用傻瓜機拍的      

       1月10日 Kay有幸以助手的身份跟Kevin Kwan 出Job，一大早就出發去將軍澳做婚禮拍攝，記得新郎的一句對白，另大家都十分受落「1月10日10度之下接新娘」，哈哈~真係好貼切，不過Kay住的地方只有5-6度，6點多起身準備出去，當時的氣溫就更低了，真係好凍，不過婚禮氣氛依然熱烈溫暖，雖然天氣寒冷，不過卻為身邊的人帶來一陣暖意。

        一行4人一做就做到11點多12點，天氣又開始冷，工作其實相當辛苦，由早到晚，不論用膳、飲水、去洗手間都無時間，所以工作中就要忍了，忍住肚餓、唔飲水&去洗手間，不過工作起上來都會唔記得了! 但Kay都真係有d缺水的感覺 (因為我真係水做的)。兩位攝影師相當忙碌，我地跟隨身後提點新人細節事項、照顧器材、幫手跟進拍攝外的事項，真係來去衝衝，不過影到靚相，又被大家欣賞的時間真係令大家好開心，辛苦都係值得的。做完野一停落來，大家都散晒，工作真係好唔容易，卻又令人相當快樂。

        係呢到我唔放Kevin拍的相了，因為我係佢的介紹中已放上Kevin 拍的 Samantha & Ray's Wedding 婚照，我就放上一d我的小剪影讓大家看看吧~!

想睇Kevin的靚相click開下面的Link啦~!!

http://hk.rd.yahoo.com/blog/mod/art_title/*http://hk.myblog.yahoo.com/In-Wedding/article?mid=4994

新娘子總係好底得冷，睇下後面的新郎就知道天氣好凍。

Kevin一搵到好位好景，就會叫新人來拍下靚相，真係搞到我都想拍埋一份。

呢個位係我地好鍾意的一個拍攝位置，攞位攞得好真係好正，不過靚的就要睇Kevin拍的相了，因為呢張係Kay偷拍的。

宴席上的可愛BB，一歲多已經好會認人，而且好精靈，一見我地影佢就即刻閃開，仲快過D貓。^~^