頁面


背面


       我自己喜歡簡潔而實用性高的設計,字體喜歡如Monotype Corsiva 、Garamond、Bickham Script Pro一類的,所以上面的一張可謂相當切合我的喜好,頁面可以放上自己的Logo,背面印上浮水印及簡單的線條,設計可方便寫上字句,可以有多種的用途,簡約美觀而方便。


 


設計的題外話~  


      講起設計,有好多朋友都會問我一個問題,就係「你放d設計圖像、構思上blog,公開比人睇,你唔怕比人抄比人copy來用嗎?」


        我既答案係「當然我都會擔心,不過我唔介意比人睇」,朋友聽完多數都會唔明問我點解,我就分享下我的心態比大家知


        當然每一個設計師都會好好保護自己的設計,唔想比人抄襲,總係覺得自己的設計係好的,我都係一個過來人,我試過因為自己唔介意比人睇,因而比人抄襲我的設計,而且攞埋出來公開比人睇,話係自己設計,個一刻相信每一個人都會無明火起,我當然亦唔列外,比人抄襲仲要show埋出來比人話係自己design,真係唔火滾就奇,不過試過之後你就會明白一件事~


         設計只收係自己的袋就如同廢物,無人睇過就唔知好壞,唔比人睇過人地唔知你有設計,比人睇就一定會有機會比人抄,如果唔想比人睇就唔好攞出來,亦唔好做任何事,攞得出來就唔好介意比人睇,就算比人抄亦吹人唔漲,因為知識產物好難界定設計原屬,每一個人都可以有同樣的構想,人地抄你~可以話係你的設計好先有抄的價值,唔好的人地抄你都無用,抄足你又比你早公開就係佢嬴,抄得好唔好又係另一件事,抄咗做得比你好,就係你唔夠好人地比你強,不過佢構思唔出就係佢笨,抄咗做完比你差,亦唔顯得你好掂,就算比你做得出來又出得街,都唔代表你個design 掂,大家睇下HKBN個廣告就知,咁都可以show出來都真係令人費解,如果話怕人抄襲而唔show出來,我相信呢個世界有好多事物都會消失,而令社會失色唔少,不論衣服鞋襪、廣告、電視、音樂、資訊、建築、用品都包含設計的元素,就因為怕比人睇比人抄襲,設計師因而唔公開,咁就唔洗做出來喇,大家亦唔洗用唔洗睇,唔洗做生意喇!!多白癡呀~!?


        所以最後係我不論好壞的事物,都唔會介意同大家分享,好的事物分享下有何不可呢! 設計要比人睇過先知好壞,自我認定係無用的,要進步要收集情報,就要同人分享,做一個雙向的資訊,一味介意呢樣一味介意個樣,可以話係不得前進,既小氣又小家,比人睇下真係會少塊肉!? 真係又咁大問題!? 其實一切都取決於你的想法,呢個世界的事物要執著,相信有好多事物都會執著唔完,問題係執著又能夠點? 係我的心目中執著差不多如同停滯不前,解決問題向前邁進的人都唔會太執著於一件事物,要有原則做事,有風格理念,要前進、進步就要懂得如何向前行及定位,好多人都用原則來做事,不過就十之八九將私慾加執著當係原則來講,唔好為d無聊少事,又或自己的私欲而行事,多看一下外面的世界,天下之大無論做任何事都唔可能你一個人可以做晒的,不論生意定設計,你估你可以獨享咩!?


        我都試過同一個國際知名的fashion designer design出款式近乎一樣的晚裝,而且比個位designer 早3年前就design出來,那又如何!?證明設計係會有一樣的,知名的人攞出來,點都比你攞出來有信服力,就算你寫上日期,比晒證明都未必係你好,吹呀~!? 要抄的話點都可以抄到,就算你出先,我抄完改少少又可以話係第二個design,呢d野日常生活見得多啦!你又吹咩!? 講真做完一樣野出來,過得人手,人地都有可能post出來,今日你唔post第日人地用的、攞到手的都可以post出來咖!? 


        所以何必固步自封呢!? 不如努力做好自己啦! 唔好根根計較,箋比人話你無品又小家,比人睇下人地就會為你擔心咖喇,哈哈~!

創作者介紹
創作者 Chatté 的頭像
Chatté

Chatté Handmade Room 手作りの部屋

Chatté 發表在 痞客邦 留言(2) 人氣()