接續 ~ 廣州婚紗街行1 <乘車篇> ...篇寫中...


婚紗街購物點~:


婚紗街( 江南大道北) 、時代婚紗廣場、海珠婚紗城、海珠廣場、百利婚紗器材廣場 (前幾個地方open 10:30-11:00am) 、


藝景園(open 8:00am-10:00pm)、


德寶廣場、萬菱廣場(兩個地點open 9:00-10:00am)



極速婚紗街行程~:


二宮站D出口1:00pm---> 婚紗街--->時代婚紗廣場--->海珠婚紗城--->藝景園--->返回婚紗街--->收隊5:30pm--->By Taxi到白雲區晚飯 $16


**藝景園有部分地區經已拆卸,只餘下地舖的部分可以行。**



因為晚飯關係「德寶廣場」及「萬菱廣場」我未有去到,海珠廣場側改造中,未有進入,另外原本係同區的「百利婚器材紗廣場」(原名"百利婚紗城"),亦因為搬到較遠的 "荔灣區康王路301号華林國際商廈5-7樓" 而未有到訪,基本上Joy因為之前都有來過,發現後面的德寶廣場 & 萬菱廣場無咩野行,所以唔建議去,但如果想買回禮小禮物,亦不妨到萬菱廣場一行。


我同Joy此行隨咗為睇婚紗市場及找合作夥伴而來外,其實亦同時為採購婚禮用品而來,一為一輯廣告照的拍攝選材,二為我朋友的婚禮購物,雖然係極速進行,不過我地一d都唔馬虎,要有品質又價廉物美的商舖先會拿下咭片,及進內購物。


基本上因為婚紗街以批發為主,所以一般都是用買的,租用禮服並唔多,而香港的婚紗舖大都會上來攞貨,你大有機會係到見到與雜誌&舖頭中同款的婚紗禮服,不過內裡其實仲係有優劣之分的,用料手工價錢各有不同,呢一點大家一定要留意,不過如你唔介意質料或手工上的問題,一般一件gown的起步價都唔會有太大的差異,質料較差的RMB$300-500up一件,質料較好的約RMB$600-800up一件,有地方放的話,買一件全新的gown,都已經係香港租用一件的價錢了。另外鞋、頭紗、婚禮用品(e.g.絲花製襟花花球、茶杯套件、利是封、頭飾…)都有賣


 


我的行進路線&購物點~:


當日雖然落住微雨,不過我倒覺得天氣清涼,係個適合行街的天氣,因為如果出太陽的話廣州熱度會好高,而且要不斷係室內外出入亦不太好,再加上過個度d冷氣欠奉,微粒塵埃大,總是街上好乾淨,但係依然可以令你變黑,所以最好帶備一d濕紙巾抺臉,以免立立唔舒服 ^^


出咗二宮站,我走過馬路到對面的婚紗街起行,首先行咗幾間婚禮飾品店,主要睇婚嫁用品,如囍字套裝茶杯、利是封、現成絲花製襟花及花球(品質要求高像真度)、公仔…等,行咗一輪都兩三間唔錯的舖頭,而且店家唔似香港的咁,如果問下好多時都可以比你影相慢慢睇,不過婚紗舖就唔係下下都影得喇,但係就差唔多間間都可以免費試衫,比你著餐飽 ^^


係內街其實仲有唔小店舖,第一個內街入口進去,近入口處的幾間禮服店鋪尚算可以,不過內街冷氣唔夠,空氣亦唔太流通,所以行到香汗淋漓,而一路行入去,發現內裡有不少的舖頭售賣如cosplay的衣服,有唐朝服裝、大戲戲服…,如果大家想於婚禮上穿著特色d的服裝,不妨入內睇下 ^^


沿路一直向海珠廣場行過去,我先後去過幾間婚紗店問價同睇衫,幾間都係款式較好特別一d ( 唔會千篇一律如出一轍,於同個製造商攞貨,卻頂住訂製名義),價錢優惠的店舖,不過當中有一間名叫"SD Wedding"的店卻開天殺價,內裡只接受買貨,店面看過去的幾件,都係雜誌上見過的款式,看上去高級不過我唔會選擇的禮服,再望真d,發現車工唔多掂,最低叫價$12000-13000一件,都幾嚇人,我同Joy都覺得佢物無所值,扮高級得很,不過佢地的服裝可以話係當中比較特別少有的一間


離開SD Wedding 繼續前行,有一間叫「甜心」的裙掛店,見舖內有兩位員工正用手一針一線繡緊裙掛,想起係街頭有經過的幾間裙掛旗袍店,裝修不俗,看過去好似幾好睇,不過買的係一般貨品,有點像裕華賣低檔一d的貨,行過呢到再看看,見甜心其貌不揚起初有d唔為意,不過display出來的掛手工唔錯,就走去睇下,順便問下有無修繕裙掛的服務,一問之下幾十蚊起有交易,見個兩位員工手中正繡緊一件掛,看去十分疲憊,所以咪話唔辛苦


走過行人天橋,落去有一家"金栢逸飾品",專營影樓飾品,有好多美輪美奐的金冠鳳冠步搖,真係好想據為己有呢,走出去走到馬路對面,有一家其貌不揚的"雅麗攝影器材批發店",店舖不大有點亂,不過我同Joy卻找到比市面更平,手工貨色唔錯的首飾配件,製作頭花的材料,我同Joy係個度入咗唔小貨,用來製作拍照用。


走過隔壁有一間"廣州新思路婚紗禮服設計公司",內裡的gown都幾靚,有好多件都睇得上眼,價錢唔貴由$680起 - $2000不等


再行前去到達海珠橋口樓梯前,有一家名叫"羅納麗紗"的舖頭,內裡的gown質料相當唔錯,款式亦不俗,幾適合香港人的口味,我係內裡找到一條不錯的gown,店家好客的叫我試試,不為意我被打動一試,我同Joy都覺得是全日見到最好的一件,著上身相當唔錯,所以最後給他買下來了,阿Joy代為講價,店家為難的平咗$100比我,幫我度身落單之後,改好後速遞到港,雖然第二日就可以改好寄運,不過因為係假期前後,所以可能要星期三7月2日先收到 (運費$20-30)


辦妥手續後,我地走過海珠橋去到海珠廣場及藝景園,有賣假髮、化妝品、包裝佈置物料、公仔禮品、乾花絲花的舖頭,不過藝景園有部分地區經已拆卸,只餘下地舖部分可以行,我係大路入口處一間賣公仔的舖頭,為朋友的婚禮佈置,用咗$40買咗20隻小熊寶寶,再行咗一陣我地開始回頭,走到一半發現手提打唔到內地電話,急忙搵電話打聯絡那位朝鮮族朋友晚飯,原來要搵個電話打比搵廁所更難,好彩後來搵到一間士多有電話打,講咗約3min收咗$1.4,約好地點我地又去撲Taxi,Taxi通街都有不過就一架都欄唔到,叫到埋離都可以唔載,努力咗好幾分鐘,我地終於完成婚紗街的行程,搭Taxi到下一站"白雲區"晚飯


<---我有D佩服自己的記憶力,不枉我個個月用幾百蚊買Wedding的書睇,一見到我就同Joy講我睇過係07年的款式,同SD Wedding 店面display的gown為同款,SD 開價RMB$13000,睇下D手工...比呢件差,再說十個百個人睇過呢件衫都有同一意見,「好似壽衣咁~!」…彩藍色的確係婚禮中一個唔太能接受的顏色,因為壽衣的用色中有佢係其中,所以大家多少有D避諱


<---"羅納麗紗"店面其中一件的婚紗$880,加拖尾$1200, 好底~款式較好及適合港人,而且質料好,仲可以講下價,不過因為佢係做批發,所以平唔到太多,我都係個度買咗件衫平咗$100比我


<---終於問朋友攞咗我條裙張相喇!長裙來咖,都唔錯掛!? ^^


廣州行後繼 <買gown出問題喇~!>


7月3 日收到,一打開發現條裙的裙腳位置有3個破洞,而且唔細,即時我去send咗個E-mail比佢地先, 第2日即刻打上去問,不過仲未覆到我…要買仲係親手攞好d,要check清楚,將所有有關物品一律影相留底,好彩我有做,等佢無得拗


藝景園


<---20隻可愛Bear


 


如何到「百利婚紗器材廣場」?


可由"婚紗街"的 二宮站乘地鐡2号線到公園前站,轉1号線到長壽路站,於A出口出站,沿長壽路往東行約5min到 ,如由廣州東火車站去,可直接坐地鐡1号線到長壽路站。     or        於江南大道中坐82号Bus到帶河路口站落車,行約3min到


<--已搬往"荔灣區康王路301号華林國際商廈5-7樓的"「百利婚紗器材廣場」


 


後繼~ 廣州華林國際~百利婚紗器材城 Shop List


                 廣州婚紗街行3 <白雲晚宴篇>


                 廣州婚紗街行4 <店舖名單篇> ...篇寫中..


 


6月前期其他新人的攻略~:


http://forum.cyberctm.com/forum/viewthread.php?tid=163677&extra=&page=1 <---幾詳盡


http://www.patrickho.com/travel/GuangZhou2007/index.jsp  <---唔多實用

arrow
arrow
    全站熱搜

    Chatté 發表在 痞客邦 留言(15) 人氣()