接續~ 廣州婚沙街行2 <逛街篇> ...篇寫中..


坐的士$16去到建築六路宜安廣場等那位朝鮮朋友開車接我地去晚飯,不過等了又等都係不見其人,我同Joy開始好緊張,個一刻我地深深地體會到,人生路不熟,又聯絡唔上的心情,等咗一輪我地四處搵有無其他的出口,怕大家一個左等一個右等,不過都係唔見,又等咗一輪,終於搵到個人問路,一問之下原來上一層樓竟然有另一個出口,那位朋友就在那等,大家你等我等的搞了將近30min,我慨嘆內地設計的奧妙…唉~! 真的辛苦那位朋友了,仲為我地擔心,吸咗唔小煙呢 >_<


上過私家車,那位朋友帶我地前往白雲區食晚飯,主食韓國燒烤,到達店的附近,眼看過去先發現自己如走到韓國街上,一整條大街都係韓文寫成舖名,落車之後行開行埋的都講韓文,真的像置身韓國一樣。


因為日本人同韓國人都一樣,食飯的時候會一直飲酒,晚飯後仲會一齊再飲酒閒聊,一食可以食足幾攤,所以好客的朝鮮朋友亦一樣帶我地食咗兩攤,如果唔係因為我地時間有限,恐怕仲有得食呢~! ^~^



第一攤


大長今 韓國燒烤店


地址:  廣州白雲區遠景路168-172号時代新都江B棟2樓


大長今的員工都會韓文、普通話、廣東話,唔洗怕溝通唔來~! 店內禁止攝影


「大長今」的名係正式各韓國那邊的大長今韓菜(宮廷菜)買來的,內裡食的係正宗韓國菜,有些仲係韓國那間大長今店內的食物,由韓國店教授而成的,同日本、香港的韓國燒烤食法好唔同,而且食物相當唔錯&美味,泡菜餅、烤牛肉、燒酒、啤酒、烤泡菜曼魚、蒸蛋、牛尾煲、南瓜泥、梅子茶…等,都係我地枱上的食物,不過因為係朝鮮族朋友點的,所以我地都唔知菜名,因為飲酒的關係仲得到意外的紀念品,燒酒杯一對,哈哈!


一味食野同唔停咁飲酒,由6:00pm食到8:30pm,我地離開大長今續攤,去下一站離開不遠的NIULAN PIZZA HOUSE



 


第二攤


NIULAN PIZZA HOUSE (韓式Pizza)


地址:  廣州市機場路西樂嘉路8号銀通花園C座 (廣州红葉酒店樓下)


位於廣東省廣州市白雲區機場路和三元里大道內側,位於五羊新城的NIULAN,環境清雅,於廣州紅葉酒店樓下,地方好乾淨,周邊亦有很多食市,NIULAN主要係食由意大利式Pizza改良的韓式Pizza,新鮮製做,批底為意大利底,而用料味道就較為韓式,起初怕味道可能會有d唔合口味,點知食落卻十分美味,兩位朝鮮族男士讓咗大部份比我同Joy吃,食完上一餐已經好飽的我地,雖然已經脹爆,不過太好食喇~結果都食晒碟上的Pizza,難為兩位男士食得小小,唔夠食仲要爭,哈哈~真係太多謝佢兩位了 ^_^


聽說住紅葉酒店的朋友,到NIULAN食野可以有優惠,但我唔太清楚內容,有人知道請話我知吧! Thanks ^_^


約9:45pm我地離開NIULAN,朝鮮朋友開車送我地去火車站,因為我同Joy大意地無留意尾班火車的時間,所以有d怕,10:15pm去到火車站見售票處無人仲驚,負責開車來的大叔(韓國大哥的意思)都好擔心,而另外一位朋友側醉倒車上,我同Joy趕忙跑去每一個售票處,好彩原來尾班車係10:45pm,我地仲可以搭到10:32pm班車返深圳,那時大家先安心落來,入閘前向那位大叔道謝,我同Joy帶住醉意完成咗廣州之行,11:34pm到達深圳,趕得到KCR的最後一班車,經羅湖返港,12:00pm係上水轉車返屋企,過咗令人驚喜交戰的一日 ^^


<--店前
<--NIULAN中我最愛的一角,我同Joy都好鍾意,有意無意間都會望過去,順便研究下坐係到的係咪韓國人 ^^


<--MEAN我都好鍾意,設計精美^^


<--門口的一角亦相當不俗,好有歐洲風味^^


<--啤酒唔係Asahi~!!?
<--Pizza正
<--鮮果沙律好生鮮,側邊的小黃瓜、花生、泡菜都一樣好味 ~u~


 


一位日本朋友的食後感^~^
金曜日から3連休がはじまりました。 今年こそは国内旅行をしようね!と相方と相談してましたが・・・
結局 広州でくすぶっております。

金曜日の夜にピザをオーダー 五羊新城にある「Niulan Pizza」 TEL8736-4220

「NIULAN スペシャル」の(二人なのに)LARGEサイズをオーダー

pizza


以前はLARGE(12インチ)で73元だったのが、86元に
ベルペッパー オニオン オリーブがとっても薄くスライスされているのは気のせい?

文句を言いながら気がつけば完食・・・・・涙

広州の物価も 我が家の体脂肪率も上昇中!
 

arrow
arrow
    全站熱搜

    Chatté 發表在 痞客邦 留言(1) 人氣()