Chatté Handmade 手作りの部屋

     10/3/2008 終於完成咗"認可婚禮統籌師專業文憑" (Wedding Planning & Management International Diploma)課程,半工半讀真係幾辛苦,不過總算完成喇!咭片的Title亦可以由Wedding Co-ordinater 變為Wedding Planner,不過無論Co-ordinater定Planner工作內容其實都係一樣,幫助新人解決婚禮上的一切事務&問題,令佢地可以輕鬆迎接婚禮,期待那天的到來。雖然話剛讀完課程,其實我地每位同學都各自有實際經驗,或現職於此行, so大家都有些經驗吧!

    14/3/2008 我同4位準Wedding Planner  去咗婚展取經,順便出去食飯,慶祝完成Planner Crouse,我亦順到為我朋友的婚禮upgrade下。

    去到婚展我地各自去到不同的商號相談&比較,分散取經,再集合意見&資訊,為朋友特別抽出小部份的資料,只屬手頭的一小節(我手上可是有3"以上的單張),其中包括婚紗、攝影、紅酒、禮餅、場地、佈置、回禮品...等。

    大家去婚展可能大部份都有既定目標,所以目標以外的一些店都未必有好好睇過or有時間全部都去睇下傾下,不過我地幾個目的志在睇下現時婚禮市場的行情&流行情報,所以我地就分散到各大小店取經(真係差唔多全部逛過)。

     行完之後大家第一個共同意識係「行Expo方便在平常分散的店舖大部份都集中到場,方便我地一次過睇,唔洗左滕右滕」,然後再一個共識係「好重~!其他人都唔會好似我地咁攞咁多資料!」,因為心情&目的都唔同,所以睇到的都唔同,我地會比較冷靜同中立,唔會為一d因素就比sales引導,因為我地唔係要結婚嘛,哈哈^^

     係expo到我地見識到sales的推銷及誘導手法,不過大都一樣,離不開送咩送咩,又話咩衫都唔洗再加錢,可能有d細舖會做到,但大舖就未必,差不多到最後都要你加錢(可是有眾多例證),結果貴咗好多,其實講款同大舖類同的,只要花d時間去行下的話大有人在,不妨多逛幾間,你會有所發現。(我之前亦有介紹過幾間)

     至於場地佈置,好多時場地都有定數,不是酒店就係酒樓,位置離不開親戚朋友就腳的地方。至於佈置,現在大部份場地都酒席連佈置一併做埋,有錢的大可搵人幫你設計佈置,認為附設的佈置可以的話,既可慳錢亦可免煩惱。不過你既不安於現場佈置,又不想花錢另請佈置,其實可以選擇小型的DIY,市場上有一些小配件可以自行採購及架設,為你的婚宴加添色彩。不過緊記,無論用邊種方式佈置,都要先問清楚佈置規格、要求&內容,以免有任何爭議。