Chatté Handmade 手作りの部屋

今日.....呀~應該係昨日(29/3/2008)真係好忙,好少出街的我之前相約咗在日留學時的朋友出來食晚飯, 係飯聚之前突發性的去會見我的姨甥女

下午2:00我同佢媽媽相約係M記見面,食過M記之後,姨甥女多咗個玩具係手,我就開始帶住佢係太子一帶行街買衫仔,佢一邊行一邊玩,心想應該唔會有買玩具的需要了,不過行咗一陣佢就有發現,買咗一個小玩具,又心想應該夠了吧!行多幾步卻又有新發現,又多買咗一個,行咗一個鐘,佢行累了,開始要抱,3歲的佢重量唔輕,抱咗一陣我地去買咗條揹帶揹佢,即刻覺得好好多,不過就幾熱,剛好天氣又熱,所以決定去商場行下,順道去搵個地方休息吓,不經不覺玩到差不多6pm,要帶佢去搵食了,買好河粉坐下來佢卻唔食,可能係唔好食,結果我要食埋佢,然後再帶佢食過,中途佢一度扭計大哭一場,哭累了瞓咗一陣,到咗8點多,佢終於可以返屋企,而我就搭 Taxi 去下一場------>

我同係日本認識的朋友,平均一至兩年會出來見一次,已經有一段時間無見了, 一向只有大人的飯局,今次多咗個小朋友參加, 頓時主角變成咗可愛的BB, 因為實在好可愛,所以焦點都放係佢身上, 是晚大家都十分高興, 一邊同BB玩,一邊閒聊,講講留學時的逸事,最深刻的不外乎為慳錢而起的各種趣事了, 大家都有不少的回憶吧!

中途我地互相展示相片,竟然搞出一個笑話,搞得我好疑惑之餘,仲令大家哈哈大笑,事源其中一人在睇我的姨甥女的相時,將其中的一張相誤認成我的堂家姐,坐係我側邊的朋友剛睇完都話無理由,那位朋友就再比坐係佢身側的兩人查看,而那兩位亦同意佢的講法, 我開始有疑問....究竟佢地睇緊咩相呀? 攞過相機一看,相裡面同我如雙胞胎一樣,有著同一副面孔的不就是‧「我」‧嗎!?我同身側的朋友即時笑起上來, 再向佢地解釋, 可能太耐無見,所以一時間無發現, 結果換來大家哄堂大笑, 認真搞鬼,哈哈~! ^~^

走的時間原來已經11pm,真係快樂不知時日過呀~!