7月21日終於收到條裙,因為比不定日子遲運到,所以去Express個邊check咗一下,發現過間舖又寫錯地址,唉~! 已經再寫一次比佢睇都仲寫錯,搞到速遞哥哥都話叫佢寫清楚,因為已經唔係第一次…算啦我都唔想有下一次喇~!仲唔夠咩~!我前後用多咗成百蚊運上運落,再加埋d長途電話費,你都咪話~唔少錢咖~! 不過今次仲算佢搞翻掂比我,完完整整的一條裙,包得靚靚寄落來,無咗一陣怪味之餘,仲唔知點解多咗條scarf,係要安撫我…定係上次漏咗無比我呢~!?反正有總比無好吧~!就先多謝佢了~! 今之就比氣裙個全相大家睇下啦~!


在此之後我有好大機會會賣咗佢,而且好多人都讚成,點解…因為搞咗咁多野,多少見到條裙都會唔高興,著住佢參加我朋友的婚禮…都唔知我會唔會係心裡面唔高興,再者好似唔太適合我的位置著,所以仲你放棄的好,可惜新娘朋友竟然唱反調叫我著,哈哈~我當然著咗唔會話唔高興,只不過搞到無咩"mu",搵個籍口唔著唶!睇下遲d比新娘子過下目先再算啦~! ^~<


New One新一條


 


7月18日~上星期六打上去,間舖話7月15日會寄到比我,所以預備定d錢放係公司比同事幫我收貨,因為仲幫朋友們訂咗Bear Bear會寄來,所以我多放咗一二佰蚊係到,點知第二日返公司比人爆格,連我放係公司比公司用的錢都‧無晒‧唉~!  如果唔係話寄野來,我都唔會放低錢,點知放低咗錢d貨無到,因為發生咗公司單野,今我心理上多少有d緊張,因為我最近太黑喇,到咗今日我終於住,請我的同事用佢的手提打上去問下,點知間舖話7月17日先寄出,害我擔心咗幾日,以為寄失咗‧唉~! 大概爆格事件為我帶來咗後遺症…急性荷包乾硬化 / 急性發錢寒 / 急性錢財流失症~~~唉~~~~! 希望快d收到啦!


 


7月12日我先有機會打電話上去問間舖有無收到條裙,我7月7日搵express寄上去,我寫好晒紙條比間舖,叫佢地要留意d咩野同收到之後要打比我,不過好明顯"無",真係~唉~!,電話費要慳無所謂,e-mail 比我都可以吧~! 我可是都寫好了聯絡方法方便佢地呀! 最後只好星期六我再返家打電話了~!!! 不過星期六、日打上去一定有人係到,因為最須要人手就係呢兩日,所以唔洗怕無人理你。我打去問間舖,要我問佢地先話收到,問一句答一句,這時我已經無力再發火了,只係話佢地無責任感,都唔會聯絡我點處理件事,所以之後落來~ 我簡單的問給他答算了,問過之後佢話唔知點解會爛咗,依家幫我重新做過,要星期一、二先可以寄返比我,我叫佢今次要小心d,有d咩我都唔負責,到時係佢的事喇,我唔會再要,而且我大概收到之後都唔會著了,因為太無隱了,一見到就有d不快,我大有可能會賣了它


 


7月5日我下午3:36打上廣州,終於比我搵到佢地老闆,起初又係話叫我明白改咗我size,都唔知點解會爛咗,我都係個句「你都知衫係你地寄的,第一手check的唔係我,你地的員工可能睇唔到,但係爛咗,你始終要換過比我」,之後佢問我。爛的地方可唔可以改」,我話「如果我改到我都唔會搵來咁麻煩,我之前已經同你同事講咗點爛,因為無辦法改,所以我先搵你地換」,之後佢又話已經比條新的我,唔係改我試個條比我,而且改咗我size,我同佢講「我知道」,因為佢放係場個條爛得仲大,之後佢停咗一下,同我講叫我送上去比佢睇,我話好~不過運費佢地比,點知佢我同我講「你要我明白」,我話我可以送上來,不過你再運落來之前我會有朋友來睇,你運HK的運費我唔負責,我大概會打定份野比佢簽收,大家留個底好D。


 

7月3 日收到,一打開發現條裙的裙腳位置有3個破洞,而且唔細,即時我去send咗個E-mail比佢地先, 第2日即刻打上去問,"羅納麗紗"的員工話老闆唔係到,叫我晏d再打過去,我再打去又係咁講,話佢地check過先寄比我,我問老闆羅玲幾時返,佢又係話唔知,叫佢搵第二個同我講又話無,我話打手提都係接返去公司,我可以點搵佢,又係話唔知叫我再打,我同佢講「手提係帶係身邊的電話,連手提都搵唔到,咁不如唔好帶,用實線電話就得啦~!」,而且明明話比新的我, 點知佢又話用我試個條改比我,我話「我之前已經同你地講,你display條裙有破洞,你係咪比條新的我?」 佢答我係,見佢幾老實我信佢,依家我同佢講翻,佢又唔知點,話要同佢搵老闆講,我話再搵唔到人我會直接去佢地公司,我叫佢叫老闆娘回覆我,不過一直無聯絡過~唉! >~<


原本話佢地公司唔錯,想介紹客人去睇下,依家要重新考慮 ~!!!*


要買仲係親手攞好d,要check清楚,將所有有關物品一律影相留底,好彩我有做,等佢無得拗


此店資料~

 

羅納麗莎婚紗禮服公司 (我訂衫個間)

滨江西路270号海珠橋底   / 

荔灣康王路301号華林國際6樓6007B舖 (百利婚紗器材城)

Tel: (020) 8138 7832、8443 9092、8588 2281、

負責人: 羅玲  Mobile: 1372 4879 996

 

 

 

創作者介紹
創作者 Chatté 的頭像
Chatté

Chatté Handmade Room 手作りの部屋

Chatté 發表在 痞客邦 留言(0) 人氣()