7月15日一返公司,一入門我就先睇下我放低比同事的錢係唔係到,D錢原本係用來比Express的,怕同事收貨的時候無錢,所以我先放下佰幾蚊比同事,見枱上的錢唔見咗,我以為Express已送貨來,點知同事就來問我有無動用過放係櫃筒內的公款 & 取回我放下的錢,因為錢全都不見了,我一答無同事即緊張起來,隨即我打好問老闆,Boss 都話無用過,我唯有同Boss講我地伕唔見咗錢,Boss 一聽到有d緊張,怕係出入公司的人做,就叫我即刻去Check下,Check過之後發現公司的櫃 & 枱都有被搜索過,最後我地決定報警。


報警之後大約15-30min內便來了兩位軍裝阿Sir,先幫我地看一下情況,再決定以下落來要點做,簡單地問過我&同事之後,兩位阿Sir開始四圍查看,我&同事仲一直以為系係大門走入來,正覺得奇怪,點知阿Sir發現原來小賊係爬牆入屋的,而且係用工具打開我間房的窗走入來,我地一直都無留意到落下窗簾,未曾打開過的窗被打開了,這個時間我地先驚覺過來。


一發現到呢個情況,阿Sir即Call上台搵人上來,30min內又來了兩三位軍裝阿Sir,其中一位好似係警司級的,上到來同之前來的兩位阿Sir交代了一下,又開始四圍調查&問話&影相,過咗一陣又有一位阿sir 上咗來,那一位是調查科的,上到來又同其他幾位阿sir溝通了一下,之後又開始了檢查、記錄、影相,之後仲正式錄份口供,而其他軍裝阿Sir就離開,去其他單位睇下有仲無單位比人爆格。


錄好口供之後,我地就等待之後將會上演的真人版鑑證實錄,同事仲自己係到講話要搵Bobby來做鑑證,好鬼搞笑,阿Sir聽到都笑咗出來


鑑證科的阿Sir好忙,等咗一輪先來到,一來到兩位阿sir竟互報number,令我地覺我得有d搞笑,交代了一下,鑑證阿sir開始掃指紋,攞咗一個銀色鋁製盒出來,內裡裝咗一d銀黑色的粉,阿Sir就係用掃及銀粉來掃指紋的,另外仲有一d帶藍白光的手電筒,用來檢查用的,左掃右掃咗一輪,阿Sir話最近d人睇咗Bobby的鑑證實錄,大家都叻咗好多,下下都叫套指紋,好鬼搞野。


掃完之後,我成枱成窗都係銀色的手印&銀色的粉,因為小賊係我房爬入Office,所以我要跟阿Sir返差館打我的手指紋,不過就唔係淨打手指紋,而係手掌、拳頭、指尖、前掌都要打晒,一時間~我雙手都變成黑猩猩的手掌了,打指紋的途中有一位Madam走咗入來,見我係到打指紋,竟然問我身側的阿Sir我你咪AA,阿Sir即刻好唔好意思,以再加上一點指責的語氣咁答佢話「人地係證人來咖,話人係AA」,我望一望個Madam,見情況唔對,個Madam即刻話無咩事佢走先,點知我打完指紋之後,去洗手又係洗手間見到個個Madam,佢望咗我一下,臨臨聲走人,我心想都唔知呢個人點搞咖,做人都唔用腦的。


搞咗一朝,已經下午3點,阿Sir同我講話我無飯食了,哈哈~我反問阿Sir係你無得食咋嘛~! 阿Sir話唔係,就隨隨帶咗我走出差館,終於完成晒所有手續~唉~!


搞咗大半日,我無咗d錢之餘,仲要快快食完野,出街去做野,心情真係唔係幾好,不過大家慶幸唔係來打劫,而且d阿Sir人都幾好,大家都輕鬆D。


同事話如果遇打劫到一定會自己要求將佢綁起來,叫個賊攞錢走,最搞笑d同事話好彩今次只劫財無劫色,大家都笑咗出來,然後竟有另一同事話如果有賊佢會叫佢come on 睇下佢敢唔敢(劫色) 喎~! 哈哈~另外一邊公司的同事話我地被爆格都咁開心,都真係好搞野,我地話「如果唔係咁仲可以點,又無人會比翻d錢我地,唯有苦中作樂喇~!」


第二日返到公司,我忙住清理搜查過後的痕跡,突然同事想起,其實佢地都應該要打指紋,因為我枱面上應該都有可能有Boss & 佢地的指紋,話如果一陣掃到Boss的指紋,Boss會比人拉喎~! 哈哈~ 好呀,邊個叫Boss幸災樂禍呀~! 平時都係我先墊錢比公司數,如果唔係咁,我地今次都唔會唔見咁多錢~唉~! 一想到呢到,再加上無得攞翻d錢就有氣~!


爆格事件為我帶來咗後遺症…急性荷包乾硬化 / 急性發錢寒 / 急性錢財流失症~~~唉~~~~! 無計唔見錢嘛,仲要係千位的數目 ……唉~!


大家要小心窗戶呀~~!!!


被打開的窗



夾住錢的公仔,變晒銀色,有好多指紋係上面



枱上面亦有好多銀印



有好多銀粉



清洗完仲係有一撻撻銀印

創作者介紹
創作者 Chatté 的頭像
Chatté

Chatté Handmade Room 手作りの部屋

Chatté 發表在 痞客邦 留言(2) 人氣()